Poem: Sab Ki Maan Hoti Hai By Arti Chopra 16 Nov 1953, Jammu

[chaluj]

SAB KI MAAN HOTI HAI
this one is for mummy....

Sab ki maan hoti hai, par kya aisi hi hoti hai?
itna pyaar, itni lagan,
kya sab ke bhaag hoti hai?
nishkaamta, nishfalta, raat raat ko jaagna,
safal grahini jeevan, keval uski kaamna,
pati, baccho ke gam, apne sir dhoti hai...
sab ki maan hoti hai, kya aisi hi hoti hai,

jitna pyaar jitni sahansheelta, hamne dekhi hai..
samta, ekta, maargdarshan, hamne unse seekhi hai,
tumne jeevan diya, pala, pausa, humko,
jindagi, safalta se jine ke kabil banaya humko...
soch ke tumhari kurbaniyan dono behene kabhi roti hain.
sab ki maa hoti hai, kya aisi hi hoti hain?


kya hum jaise khuskismat aur bhi hoten honge?
roz bhagwan ko dil se dhanyavaad dete honge,
uska saaya, uska pyaar, dhoop ki tarah pheltaa hai,
door baithe bhi dil men, hardam theharta hai,
yaad aata hai ishwar jisne banaya maa ko tab,
ban sakenge hum maan ke jaise kab?
sub ki maan hoti hai, kya aisi hi hoti hai?

Arti Chopra